រន្ធត់ណាស់ព្រះអើយ.!មនុស្សម្នាក់បានស្លាប់ភ្លាមៗនៅកន្លែងកើតហេតុដោយរថយន្តបុករះនិងម៉ូតូ៤គ្រឿង…
ខេត្តព្រះសីហនុ៖មានករណីគ្រោះថ្នាក់ចរាចរណ៍ដោយរន្ធត់រវាងរថយន្តធន់ធំមួយគ្រឿងបានបុកជាមួយនឹងម៉ូតូរួចជ្រុលចង្កូតបុករះជាមួយនិងរថយន្ត ០៣ គ្រឿងទៀតបណ្ដាលឲ្យមនុស្សម្នាក់ស្លាប់ ភ្លាមៗ នៅនឹងកន្លែងកើតហេតុ ។ ហេតុការណ៍ភ្ញាក់ផ្អើលមួយនេះបានកើតឡើង នៅវេលាម៉ោងជាង១: ៣០ នាទីរសៀលថ្ងៃទី១៤ខែវិច្ឆិកាឆ្នាំ២០២១នេះ តាមបណ្តោយផ្លូវជាតិលេខ៤ នៅម្តុំខាងមុខរោងចក្រក្រោន ស្ថិតក្នុងសង្កាត់លេខ០១ ក្រុងព្រះសីហនុ/ខេត្តព្រះសីហនុ ។
យោងតាមប្រភពពីកន្លែងកើតហេតុបានប្រាប់មកបណ្ដាញសារព័ត៌មានយើងឲ្យដឹងថា មុនពេលកើតហេតុមានរថយន្តធុនធំដឹកសំរាមមួយគ្រឿង បើកបរទិសដៅពីក្បាលឆាយសំដៅមកក្រុងព្រះសីហនុ រួចបានឆ្លងផ្លូវទៅខាងឆ្វេងមិនបានប្រុងប្រយ័ត្នក៏ជ្រុលចង្កូតទៅបុកជាមួយនឹងម៉ូតូដែលរៀបឆ្លងថ្នល់ ហើយរថយន្ដខាងលើក៏បន្តទៅបុកជាមួយនឹងរថយន្តព្រុសដែលពាក់ស្លាកលេខ ភ្នំពេញ 2BN-9072 ពេញទំហឹងបណ្ដាលរងការខូចខាតស្ទើរតែទាំងស្រុង ហើយក៏បន្តទៅជ្រុលចង្កូតទៅបុកជាមួយនឹងរថយន្តមួយគ្រឿងទៀតដោយរថយន្តមិនទាន់អស់ល្បឿនក៏ទៅបុកបន្ថែមទៀតជាមួយនឹងរថយន្តម៉ាកស្តារិច ពាក់ស្លាកលេខ ភ្នំពេញ 2AN-6973 បណ្ដាលឲ្យរថយន្ត starvic ខូចខាតផ្នែកខាងមុខរងការខូចខាតយ៉ាងដំណំ។
ក្រោយពេលកើតហេតុកម្លាំងសមត្ថកិច្ចបានបញ្ជាក់ថាក្នុងករណីគ្រោះថ្នាក់ចរាចរណ៍ដ៏រន្ធត់ខាងលើនេះ បានបណ្ដាលឱ្យនារីម្នាក់ដែលជាភាគីខាងម្ចាស់ម៉ូតូបានដួលបោកក្បាលទៅនឹងថ្នល់ស្លាប់ភ្លាមៗនៅនឹងកន្លែងក្នុងករណីគ្រោះថ្នាក់ចរាចរណ៍មួយនេះនិងរថយន្តខាងជនរងគ្រោះចំនួន ០៣ គ្រឿង បានខូចខាតស្ទើរតែទាំងស្រុងចំណែកអ្នករងរបួសធ្ងន់ស្រាលត្រូវបានបញ្ជូនទៅមន្ទីរពេទ្យភ្លាមៗតែម្ដង។
បច្ចុប្បន្នសមត្ថកិច្ចនគរបាលចរាចរណ៍ផ្លូវគោកបានវាស់វែងស្ទូចយករថយន្តទាំងសង្ខាងនឹងវត្ថុតាងទាំងអស់ដើម្បីយកទៅរក្សាទុកនៅការិយាល័យចរាចរណ៍ដើម្បីធ្វើការដោះស្រាយទៅតាមនីតិវិធីផ្លូវច្បាប់។
