រថយន្តដឹកទំនិញធុនធំមួយគ្រឿង ចុះស្ពានដាច់ហ្វ្រាំង ជ្រុលបុករះរថយន្ត ,ម៉ូតូកង់បី និងម៉ូតូ ជាច្រើនគ្រឿង បណ្ដាលឲ្យមានមនុស្សប្រុស-ស្រី រងរបួសធ្ងន់-ស្រាលជាច្រើននាក់ បញ្ជូនទៅមន្ទីរពេទ្យជាបន្តបន្ទាប់….!
ភ្នំពេញ÷ រថយន្តនិសាន់ដឹកទំនិញ ប្រភេទឃ្លុប បើកចុះពីស្ពានព្រះមុនីវង្សចាស់ ហើយរថយន្តដាច់ហ្វ្រាំងបានជ្រុលទៅបុកមធ្យោបាយធ្វើដំណើរជាច្រើនគ្រឿងនិងរងរបួសមនុស្សជាច្រើននាក់ ។
ហេតុការណ៍នេះ កើតឡើងនៅវេលាម៉ោង២:៣០នាទី
រសៀល ថ្ងៃទី២៣ ខែធ្នូ ២០២១ នៅចំណុចក្រោមស្ពានអាកាសក្បាលថ្នល់ មុខការ៉ាស់សាំងភីធីធី សង្កាតទន្លេបាសាក់ ខណ្ឌចំការមន រាជធានីភ្នំពេញ។
រថយន្តបង្កម៉ាក និសាន់ ក្បាលពណ៍ខៀវ ពាក់ស្លាកលេខភ្នំពេញ3G-3338 បើកបរដោយបុរសម្នាក់វ័យជាង៣០ឆ្នាំ រត់គេចក្រោយបង្ករ ហេតុរួច តែត្រូវសមត្ថកិច្ចឃាត់ខ្លួនបានទុកប្រគល់ឲ្យជំនាញ។
មុនពេលកើតហេតុ បើតាមអ្នកឃើញហេតុការណ៍នេះបានឲ្យដឹងថា គេរថយន្តបង្កបើកបរចុះពីលើស្ពានព្រះមុនីវង្សចាស់ ក្នុងទិសដៅពីកើតទៅលិច ខណះចុះមកដល់ក្រោមស្រាប់តែរថយន្ត ដាច់ហ្វ្រាំងដាក់លេខទប់ល្បឿនក៏មិនចូល ក៏ជ្រុលទៅបុករថយន្ត ម៉ូតូនិងម៉ូតូកង់បី ដែលនៅខាងមុខ សរុប១០គ្រឿង របួសមនុស្សជាច្រើននាក់ ។
ក្នុងហេតុការណ៍នេះ បង្កអោយខូចខាត រថយន្ត៣គ្រឿង ម៉ូតូ៣គ្រឿង និង ម៉ូតូកង់បី៤គ្រឿង សរុប១០គ្រឿង បើតាមសម្តីតៃកុងរថយន្តដែល សមត្ថកិច្ចឃាត់ខ្លួន បានឲ្យដឹងថា ខណះពេលបើកចុះពីលើស្ពានស្រាប់តែរថយន្ត ជាន់ហ្វ្រាំងលែងស៊ី ហើយខ្លួនបានបុកលេខបញ្ចូលដើម្បីទប់ល្បឿននិងព្យាយាមបញ្ឈប់រថយន្ត និងប៊ួងចង្កូតអោយទៅបុកនិងខឿនផ្លូវ ប៉ុន្តែនៅតែទប់មិនជាប់ក៏ជ្រុលទៅបុករះម៉ូតូ ម៉ូតូកង់បីនិងរថយន្តជាច្រើនគ្រឿងតែម្តង។
ក្រោយកើតហេតុភ្លាមៗនោះ ប៉ូលិសចរាចរណ៍ដែលឈរ នៅគោលដៅខាងលើបានហៅរថយន្តសាមុយមកដឹកជនរងគ្រោះទៅសង្គ្រោះបន្ទាន់ និង សម្រួលការកកស្ទះសម្រួលយករថយន្ត ផាសស្អាប់នឹងម៉ូតូកង់បីដែលរងការខូចខាតនៃគ្រោះថ្នាក់ទាំងអស់ចេញពីកន្លែងកើតហេតុ និងវាស់វែងយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញដើម្បីរងចាំការដោះស្រាយពេលក្រោយ៕
