ឆេះទាំងព្រឹកតែម្ដង….!!
ខេត្តកណ្ដាល៖នៅព្រឹកថ្ងៃសុក្រ ៦ កើត ខែមាឃ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៧ ខែមករា ឆ្នាំ២០២៣ នៅវេលាម៉ោង ០៨:៣០ នាទីព្រឹក មានករណីអគ្គិភ័យឆេះផ្ទះចំនួន០១ខ្នងនៅចំណុចក្នុងភូមិលេខ៣ សង្កាត់ស្វាយរលំ ក្រុងតាខ្មៅ ខេត្តកណ្តាល ម្ចាស់ផ្ទះរងគ្រោះឈ្មោះសុខ ហៀង ភេទ ប្រុស អាយុ ៥២ ឆ្នាំ មុខរបរ មន្ត្រីយោធា (UN) ជនជាតិខ្មែរ មានទីលំនៅភូមិលេខ៣ សង្កាត់ស្វាយរលំ ក្រុងតាខ្មៅ ខេត្តកណ្តាល។
+ ប្រភេទសំណង់: សង់ពីឈើលើ ថ្មក្រោមប្រក់ស័ង្កសី ០៥x១២ ម៉ែត្រ ឆេះខូចខាតទាំងស្រុង ។
+ សម្ភារ:ខូចខាតរួមមាន:
- ទូសំលៀកបំពាក់ចំនួន ០១
- គ្រែដេកចំនួន ០៣ និងឆេះសម្ភារ:ផ្សេងៗ អស់មួយចំនួនទៀត ។
+ មូលហេតុ: បណ្តាលមកពីឆ្លងចរន្តអគ្គិសនី (ផ្ទុះស្សេខ្សែភ្លើង) ។
+ កងកម្លាំងរបស់ការិយាល័យនគរបាលពន្លត់អគ្គិភ័យនៃស្នងការដ្ឋាននគរបាលខេត្តកណ្តាល បានចេញរថយន្តពន្លត់អគ្គិភ័យចំនួន ០២គ្រឿង ប្រើប្រាស់ទឹកអស់ ០២ រថយន្ត។
+ ថយន្តពន្លត់អគ្គិភ័យរបស់បញ្ជាការដ្ឋានអង្គរក្សចំនួន ០២ គ្រឿងមិនបានប្រើប្រាស់ទឹកទេ ។
+ បានពន្លត់ចប់សព្វគ្រប់នៅវេលា ម៉ោង ០៨:៥០ នាទីព្រឹក ថ្ងៃខៃឆ្នាំដដែល ករណីខាងលើនេះមិនបណ្ដាលឲ្យឆាបឆេះរាលដាលដល់ផ្ទះអ្នកដទៃនិងអាយុជីវិតមនុស្សសត្វឡើយ។
