ក្រុងប៉ោយប៉ែត៖ ករណីផ្ទុះអាវុធជាច្រើនគ្រាប់ រវាង ជនជាថៃ និង ជនជាតិខ្មែរ បណ្តាលអោយរងរបួសធ្ងន់ស្រាលជាច្រើននាក់ បង្កការភ្ញាក់ផ្អើលដល់ប្រជាពលរដ្ឋដែល ដើរលេងកម្សាន្ត នាពេលរាត្រី នៅចំណុចបរិវេណ”ផ្សាររាត្រីទឹកពុះ ទល់មុខ កាស៊ីណូ ប៉ារ៉ាមិច” ភ្លាមៗនោះ អាជ្ញាធរមានសមត្ថកិច្ចគ្រប់ជំនាញនៅក្រុងប៉ោយប៉ែត ចុះអន្តរាគមន៍ទាំងយប់ ដែលហេតុការណ៍នេះបានកើតឡើងនៅវេលាម៉ោង១១:២៥នាទីយប់ ថ្ងៃទី២០ ខែវិច្ឆិកា ឆ្នាំ២០២១។
ប្រភពពីប្រជាពលរដ្ឋដែលនៅនិងកន្លែងកើតហេតុបានឲ្យដឹងថាករណីបង្កជម្លោះ បង្កឡើងរវាងជនបរទេសនៅហាងផឹកស៉ីម្ដុំទឹកពុះផ្កាយ៥ ។
ភ្លាមៗនោះគេឃើញមាន កម្លាំងអាវុធហត្ថក្រុងប៉ោយប៉ែត បានចូលទៅអន្តរាគមន៍ ហាមឃាត់ តែក្រុមជនបង្កមិនស្តាប់ ថែមទាំងបានប្រើហិង្សាគប់ដប គប់កៅអី និងផ្ទុះអាវុធ តដៃមកលើ កម្លាំងអាវុធហត្ថវិញ បណ្ដាលឲ្យកងកម្លាំងរងរបួសចំនួន ២ នាក់ និង ម្នាក់ទៀតត្រូវយកទៅសង្គ្រោះបន្ទាន់នៅមន្ទីរពេទ្យមង្គលបូរី ដោយត្រូវគ្រាប់កាំងភ្លើង ក្រុមជនបង្កបាញ់ត្រូវចំថ្ពាល់ធ្លាយមកថ្គាម ៕
តែភ្លាមៗនោះខាងកងកម្លាំងសមត្ថកិច្ច បង្ខំចិត្តផ្ទុះអាវុធ
ដើម្បីបង្រ្កាបទៅលើក្រុមជនបង្កហិង្សា ខាងលើនេះ និងបានឃាត់ខ្លួនចំនួន ១៥ នាក់ផងដែរ ៕
