ខេត្តកណ្តាល ÷ បុរសវ័យចំណាស់ម្នាក់ (កម្លោះចាស់) បានអួល ចំណីអាហារ បណ្តាលអោយស្ទះផ្លូវដង្ហើមរហូតដល់ស្លាប់បាត់បង់ជីវិត កាលពីវេលាម៉ោង ១០និង០០នាទី ថ្ងៃទី២៦ខែកុម្ភៈឆ្នាំ២០២៥ នៅចំណុចក្នុងវត្តព្រះពុទ្អអណ្តែត (ហៅវត្តព្រែកហូរ )ស្ថិតនៅក្នុងភូមិបត្តាជី សង្កាត់ព្រែកហូរ ក្រុងតាខ្មៅ ខេត្តកណ្តាល។
លោកវរសេនីយ៏ឯក យី វណ្ណដា អធិការនគរបាលក្រុងតាខ្មៅ បានប្រាប់អោយដឹងថា÷ បុរស រងគ្រោះមានឈ្មោះ ជួង សុគន្ធ(ហៅពូម៉ៅ) អាយុ៦០ឆ្នាំ ជនជាតិខ្មែរ មុខរបរនៅផ្ទះ ក្នុងភូមិតាក្តុល សង្កាត់តាក្តុល ក្រុងតាខ្មៅ ខេត្តកណ្តាល ។
លោកអធិការបន្តទៀតថា÷ តាមការបំភ្លឺអំពីក្មួយស្រី ឈ្មោះ ជួន ស្រីលីន អាយុ៣៣ឆ្នាំ បានអោយដឹងថា÷ ជនរងគ្រោះ ជាកម្លោះចាស់ មិនមានប្រពន្ធកូននោះទេ ដោយក្មួយស្រីៗ បានសាងសង់លំនៅដ្ធាន តូចសមល្មម ជូន ជនរងគ្រោះស្នាក់នៅនិងផ្តល់ បាយទឹកជូនពិសារ ហើយជនរងគ្រោះក៏មិនសូវនៅផ្ទះនោះទេ ដោយឧស្សាហ៌ដើរមកវត្តព្រែកហូរ ពេលខ្លះក៏ស្នាក់នៅក្នុងវត្ត និងមានប្រជាពលរដ្ធបានផ្តល់បាយទឹកជូនពិសារ និងបងប្អូនខ្លះជូនជាថវិការ ដែលជនរងគ្រោះយកទៅទិញ ស្រាពិសារជាប្រចាំ ។
លុះនៅមុនកើតហេតុ ក្នុងវេលាម៉ោង ៩និង៣០នាទី ប្រជាពលរដ្ឋបានឃើញជនរងគ្រោះដើរតាមផ្លូវ ក៏ជូនលុយអោយជនរងគ្រោះបានទិញអាហារ នំចំណី ទឹកសុទ្ធ ហើយទៅអង្គុយពិសារ ក្រោមដើមឈើក្នុងបរិវេណនៃវត្តព្រែកហូរ
ក៏ស្រាប់តែមួយសន្ទុះក្រោយមក គេឃើញជនរងគ្រោះ សម្រាន ហាមាត់ មាននំចំណីក្នុងមាត់ បាត់មាត់បាត់ក ប្រឈរភ្នែក លែងដកដង្ហើម ទើបដឹងថា ជនរងគ្រោះបានផុត(ស្លាប់) ទៅហើយ បន្ទាប់មកប្រជាពលរដ្ឋក៏បានរាយការណ៏ជូន អាជ្ញាធរមូលដ្ធាន និងសមត្ថកិច្ចផ្នែកជំនាញចុះមកពិនិត្យ ។
លទ្ធផលនៃការពិនិត្យសពគឺ ÷ សពមានសភាពទន់ ស្គមរីងរៃ ក្នុងមាត់មានចំណីអាហារ ក្បាលដងខ្លួននិងអាវៈយវៈ ពុំមានស្នាកស្នាមអ្វីគួរ អោយកត់សម្គាល់ឡើយ ។
តាមសេចក្តីសន្និដ្ធាន របស់ជំនាញនិងលោកគ្រូពេទ្យ គឹជនរងគ្រោះស្លាប់ដោយសា ស្ទះផ្លូវដង្ហើម( ចំណីអាហារ) ។
សពត្រូវបានប្រគល់ជូនក្មួយៗជាសាច់ញ្ញាតិ និងក្រុមគ្រួសារ យកទៅធ្វើបុណ្យតាមប្រពៃណីនៅឯស្រុកកំណើត ។
